Noyabrde Herson vilâyetinde Skadovsktan Türkiye limanlarına paromlı keçit işke başlaycaq. Bunı «Skifiya» telekanalında Herson vilâyet devlet memuriyetiniñ reisi Andriy Putilov bildirdi, dep haber ete memuriyetniñ matbuat hızmeti.
Vilâyet başınıñ aytqanına köre, böyleliknen Herson vilâyetiniñ infrastrukturasına yañı siltem olacaq.
«Bu paromlı keçitniñ açıluvı vilâyetni Ukraina cenübiniñ aqiqiy logistik merkezine çevirmege yardım eter. Yani, vilâyetke çeşit yatırımlarnıñ kelüvine yol açılacaq, demek vilâyet sakinleri içün de iş yerleri peyda olacaq», – dey Putilov.
Naqliyat idaresiniñ malümatına köre, al-azırda Skadovsk deñiz ticariy limanı etrafından mahsus işler alıp barıla.
Çarşenbe künü, oktâbr 15-de, «Herson» ava limanında İstanbul-Herson-İstanbul yolu boyunca aviaseferlerniñ açılış tedbiri olacaq.
