Link açıqlığı

Aqmescitte ücüz şey tükânı peyda oldı, onıñ vitrinası trikolor tüsleri ve «Harkov bizimdir» yazısı ile yaraştırılğan.

Bunı QMC uquq qorçalayıcılarınıñ taqımı bildire.

İsbaat olaraq, taqım iştirakçileri öz Facebook saifesinde tükânnıñ fotosını aşkâr ettiler.

«Kuybışev çarşısında, eski kitap tükânı yerinde «Harkov» tükânı peyda oldı. Bu tükânlarda daima ücüz şey ve ayaqap satıla edi. Amma şimdi tış körünüşi deñişti. Trikolor ve «Harkov bizimdir». Qırımlılarnı nege qandırmağa ve harkovlılarnı nege azırlamaq isteyler?», – qayd eteler teşkilâtta.

«Qırım bizimdir» degen şiar Rusiye tarafından Qırım işğal etilgen vaqıtta peyda oldı. Şimdi onı Rusiye mahsulatınıñ reklamında ve diger maqsatlar ile qullanalar. Misal içün, Rusiye baş naziri Dmitriy Medvedev «Maşuk-2014» Şimaliy-Kavkaz gençler forumına Qırım haritasında «Qırım bizimdir» dep yazğan edi.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG