Link açıqlığı

İşğal etilgen Qırımda aliy oquv yurtlarınıñ sayısı sekiz qat eksildi


Bu sene Qırım aliy oquv yurtlarınıñ sayısı sekiz qat eksildi.

Bunı Qırım tasil, ilim ve gençlik «naziri» Natalya Gonçarova bildirdi.

«Bugünde-bugün 2014 senesi yanvar ayınd olğan 94 aliy oquv yurtından yalıñız 12 çalışa. Bazı aliy oquv yurtları federal universitetke qoşuldılar, bazıları qapatıldı, bir qaç şahsiy aliy oquv yurtı da qapatıldı», – dep bildirdi «nazir».

Gonçarovanıñ aytqanına köre, eki aliy oquv yurtı Qırım tasil nazirliginiñ idare saasında qala, beşi – şahsiy, qalğanları – federal seviyelidir.

Qapatılğan aliy oquv yurtlarınıñ studentleri diger aliy oquv yurtlarında oquşlarına devam ettiler, dep yaza Krımskiy vektor.

Hatırlatamız, Rusiye ükümetiniñ reisi Dmitriy Medvedev V.İ.Vernadskiy adına Tavriya milliy universiteti esasında Qırım federal universitetiniñ meydanğa ketirilmesi aqqında buyruqnı imzaladı. Ondan ğayrı QFU erkânına daa altı aliy oquv yurtı kirecek. Al-azırda TNU rektor vazifelerini Nikolay Bagrov eda ete.

Qırım.Aqiqat bergen malümatqa köre, Aqmescitteki Tavriya milliy universitetinde qırımtatar edebiyat kafedrası ve ukrain filologiyası fakulteti qapatıldı.

XS
SM
MD
LG