Link açıqlığı

2014 senesiniñ Nobel mukâfatı pakistanlı Malala Yusafzay ve İndistnnıñ uquq qorçalayıcısı Kaylaş Satyarthi qazandılar.

Nobel adına komitetniñ beyanatında aytılğanı kibi, mukâfat «bala ve yaşlarğa yapılğan basqığa qarşı, balalarnıñ tasil almaq aqqı içün küreşkenleri sebebinden berildi. Balalar çalışmaq degil, mektepke barmaq kerekler».

Komitet qayd etkeni kibi, mukâfat Pakistan ve İndistan vekilleri arasında bölüngeni pek müim.

Satyarhi bala emeginiñ qullanuvına qarşı çıqqan areketniñ azası. Onıñ teşkilâtı bir qaç biñ balağa mecburiy emekten qurtulmaq, tedaviylenmek ve tasil almağa imkân berdi.

Nobel komitetiniñ reisi Tornborn Yagland Satyarhi aqqında şunı bildirdi:

«Kendi cesürligini köstergen Kaylaş Satyarthi, Gandiniñ an-anelerini devam eterek, daima tınç narazılıq aktsiyalarınıñ reberi olıp, para qazanmaq içün balalarnıñ çalıştıruvına qarşı çıqa. O, bala aqlarınıñ qorçalanuvı boyunca halqara konventsiyalarnıñ işlep çıqaruvına büyük isse qoştı».

Malala Yusafzay bütün dünyağa belli. Qorantasınen beraber Pakistannıñ şimaliy-ğarbında yaşay edi. O blog yazıp, qızçıqlar içün mektepler qapatılğanı, qadınlarğa parlaq tüste urbalarnı kiymege yasaqlanğanını tarif ete edi. Eki yıl evelsi, 14 yaşında olğanda, qızçıqqa ücüm ettiler, o ağır yaralanğan edi.

«Yaş olğanına baqmadan, Malala Yusafzay qızlarnıñ tasilnen bağlı aq uquqları içün küreşe, o kendi misalinde balalar ve yaşlar vaziyetniñ eyileşmesine isse qoşmaları mümkünligini kösterdi. Bunı o, eñ ağır şaraitlerde bulunğan vaqıtta becerdi. Cesür küreşi sebebinden o qızlarnıñ tasil almaq aqqını qorçalağan eñ belli uquq qorçalayıcı oldı», - dedi Tornborn Yagland.

Bir yıl evelsi Malala Yusafzay Радио Свобода-ğa intervyü berdi:

XS
SM
MD
LG