Lvov vilâyetinde mecburen bulunğan insanlar ve Donbasstaki arbiy areketlerde iştirak etken adamlarğa topraq ayırılacaq.
Bunı Lvov vilâyetindeki «Qırımdan köçip kelgenler» mesken kooperativiniñ» faali Rustem Emiraliyev Qırım.Aqiqat mühbirine bildirdi.
Sokolnitskiy köy şurasında qayd etilgen ve mesken kooperativ azası olğan 45 köçip kelgen insan ve ATO iştirakçisi topraq damartısını alacaq. Kelecek afta topraq saipleri damartılarında direklerni qaqacaqlar.
Lvov vilâyetindeki Pustomıtov rayonında topraq içün mahkeme davası 2014 senesi iyül ayından berli devam etti.
