Kiyev şeer şurası şeer tükânlarını Rusiyeden kelgen mallar içün ayrı fiyat işaretlerini belgilemege ve bunıñ kibi mallar içün ayrı raflar kirsetmege mecbur etti.
Böyle bir qarar Rusiye tarafından istilâ vaziyetinde Kiyevde devletniñ informatsion havfsızlığını imaye etmek ve informatsion faaliyetni ögrenmek içün tedbir programması çerçivesinde qabul etildi.
«Rusiye Federatsiyasında işlep çıqarılğan maldan er bir kapik – Pütin silâğa qullanğan kapiktir, bu para Ukraina şarqında bizim balalarımız, bizler, devletimizge qarşı qullanğan sermiyadır», – dep qayd etti «VO Svoboda» fraktsiyasından deputat Ruslan Andriyko, dep yaza UNİAN.
Deputatnıñ aytqanına köre, Ukraina paytahtınıñ ağlarından biri Rusiye mallarını işaretlep başladı. Bundan ğayrı, İvano-Frankovsk, Lvov ve Çerkassı vilâyetleriniñ akimiyetleri aynı qararğa keldiler.
Andriyko emin ki, Kiyev tükânlarında işbu leyha bir qaç kün içinde ömürge keçirile bile.
