Link açıqlığı

Qırım «akimiyeti» ğayıp olğan qırımtatarlarnı qıdıracaq kontakt gruppasınıñ meydanğa ketirilmesini soza


Ğayıp olğan qırımtatarlarnıñ işlerinen oğraşacaq Qırım nazirler şurası yanındaki kontakt gruppası kelecek afta meydanğa ketirilecek.

Bu aqqında Qarasuvbazarda esir alınğan İslâm Cepparov ve Cevdet İslâmovnıñ baba ve dayısı Abdureşit Cepparov bildirdi, dep haber ete QHA.

«Tünevin biz Sergey Aksönov ile bağlanğan edik, ve onıñ aytqanına köre, bir de bir deñişmeler olması, böyle bir kontakt gruppası kelecek afta peyda olmaq kerek», – dep bildirdi Cepparov.

Bundan ğayrı, Abdureşit Cepparovnıñ aytqanına köre, al-azırda ğayıp olğan gençler aqqında bir şey belli degil.

Cepparov ğayıp olğan qırımtatarlarnıñ bir de bir din teşkilâtına alâqaları bar olğanını red ete.

Hatırlatamız, sentâbr 27-de, saat 19.00 Qarasuvbazar civarındaki Saru-Su qasabasında belgisiz şahıslar eki genç qırımtatarını maşinağa oturtıp, belgisiz bir yerge alıp kettiler.

Gençlerden biriniñ babası birden Qarasuvbaza boyunca politsiya ve FSB bölügine muracaat etti, amma anda bundan haberleri olmağanlarını bildirdiler. Eki genç qırımtatarını tutıp esir alıp, oturtqan maşina mavı tüste Volkswagen Transporter.

Oktâbr 1-de Qırım «yolbaşçısı» Sergey Aksönov ğayıp olğan gençlerniñ ana-babalarınen körüşip, ğayıp olğan qırımtatarlarnıñ işlerinen oğraşacaq kontakt gruppasınıñ meydanğa ketirilmesi aqqında bildirdi.

XS
SM
MD
LG