Link açıqlığı

Qırımtatar halqınıñ milliy lideri, Ukraina halq deputatı Mustafa Cemilev Türkiyede tibbiy teşkerüvden keçti.

Qırımtatar Milliy Meclisiniñ reis muavini Nariman Celâlnıñ malümatına köre, Cemilevniñ sağlığı yerindedir.

«Ahtem Çiygoznıñ bildirgenine köre, Mustafa Cemilev Türkiyeni ziyaret eter eken, tibbiy teşkerüvden keçti, çünki bundan evel ekimler oña yürek ameliyatını keçirmege tevsiye etken ediler. Türkiye mütehassısları teşkerüv keçirip, Mustafa Cemilevniñ sağlığı yerinde olğanını ayttılar, em de ameliyat keçirmek acet olmağanını qayd ettiler», – dep yazdı Nariman Celâl Facebook saifesinde.

Malüm olğanı kibi, bu afta Cemilev Türkiye Cumhuriyetiniñ prezidenti Recep Tayip Erdoğan ile körüşmege planlaştırğan edi.

XS
SM
MD
LG