Qırımdan köçip kelgen insanlar Lvov vilâyetinde 22 gektarlıq topraq içün mahkemede ğalip çıqtılar. Bu aqqında Lvovdaki Qırımdan köçip kelgenlerniñ teşebbüs gruppasınıñ lideri Rustem Emiraliyev Qırım.Aqiqat mühbirine bildirdi.
«Bizler mahkemede ğalip çıqtıq. Şimdi qarar Sokolnitskiy köy şurasına qala», – ayta Rustem Emirsaliyev. Onıñ bildirgenine köre,bu topraqta mecburen köçip kelgenler ve ATO iştirakçileri içün mesken qurulacaq.
Sokolnitskiy köy şurası mecburen köçip kelgenler ve Donbasstaki arbiy areketler iştirakçilerine mesken qurulması içün topraq damartısını ayırmağa razı oldı, lâkin bu topraqnıñ saibinen bağlı mesele al etilmedi. 2014 senesi iyül ayından berli 22 gektar içün mahkeme davası devam etti.
