Sergey Aksönovnıñ Qırım «yolbaşçısı» olaraq saylanması işğal etilgen yarımada akimiyeti ve Qırımtatar Milliy Meclisi arasında dialog qurulmasına ümüt bere. Bu aqqında Meclis reisiniñ muavini Nariman Celâl Qırım.Aqiqat satstına bergen izaatında ayttı.
«Soñki yarım yıl devamında bizler Sergey Aksönov ile dialog qurmağa tırışamız, ve çoqusı allarda bu olmay. Mence, Sergey Valeryeviç mında devamlı olacağını añlay ve mesülietini unutmay. Yañı ükümet saylanacaq, lâkin qırımtatarlar, temsil organı ve akimiyet arasında munasebetler meselesi qala», – dep ayttı Celâl.
Onıñ bildirgenine köre, akimiyet ve Meclis üküm yüsrgen vaziyetke daa bir kere qıymet keseli ve bu dialognı qurmağa tırışmalılar. Celâlnıñ qayd etkenine köre, bundan evel Meclis vekilleri kendi noqtaiy-nazarını Aksönovğa yetkizmege tırışqan ediler.
Oktâbr 9-da işğal etilgen Qırım «parlamentiniñ» toplaşuvında «Qırım Cumhuriyetiniñ» yolbaşçısı vazifesine Sergey Aksönov tayinlendi. O, aprel ayından berli bu vazifelerni eda etken edi ve Qırım «ükümetiniñ» başlığında edi.
