Link açıqlığı

İşğal etilgen Aqmescitte gece vaqtında yürecek eki marşrutka olacaq


Aqmescitte oktâbr ortasında «Merkeziy ava liman – Trenöva bağçası» yolu boyunca yürecek gece marşrutı kirsetilecek. Bunı Krım Media haber agentligi, «Aqmescit şeer şurası» naqliyat ve alâqa idaresiniñ başı vazifelerini eda etken Yuriy İvaşçenkoğa esaslanıp, bildirdi.

«Aqmescitlilerniñ GRES ve Aeroflot rayonları ile naqliyat bağını eyileştirmek muracaatları sebebinden şeer merkezini ava limanı ile bağlaycaq marşrutnı kirsetmek qarar alındı», – dedi o.

Onıñ malümatına köre, er künü saat 19:00-8:30-qa qadar eki avtobus yürecek.

«Yol fiyatı deñişmeycek, öyle de 10 rubleni teşkil etecek. Marşrut keçici müddet devamında yürecek», – dedi İvaşçenko

Belli olğanı kibi, Aqmescit şeer naqliyatında yol fiyatı iyül 1-den 10 ruble oldı.

XS
SM
MD
LG