Qırım «prokurorı» Natalya Poklonskaya oktâbr 9 künü «Qırım Cumhuriyeti Devlet şurası» toplaşuvında yañı qıyafette keldi. O, yañı perçemni yaptı ve sarışın saçlarını kestane renkke boyaladı. Onıñ fotosı Poklonskayanıñ «Facebook» saifesinde peyda oldı.
Toplanılğan insanlarnıñ ögünde çıqışta bulunıp, «Qırım Cumhuriyeti başı» Sergey Aksönov «prokuror»ğa yapqan işi içün minnetdarlığını bildirdi.
«Qırım prokurorı Natalya Vladimirovna Poklonskayağa ayrı teşekkürler. O, erkekler yapıp olamaycaq işini becerdi. Natalya Vladimirovna, vaqıt kelgende, adalet ve doğrulıqnı kösterdi»,– dedi Aksönov.
Rusiye tarafından Qırım işğalinden evel Qırım prokurorı Vâçeslav Pavlov edi. O, Qırımnıñ öz başına tayin etilgen baş naziri Sergey Aksönovğa hızmet etmege razı olmadı.
