Aqmescit Merkeziy rayon mahkemesiniñ Mustafa Cemilevni «Qırım» Fondı» hayriye teşkilâtınıñ tesisçileri sırasından çıqarmağa qararı Rusiye Federatsiyasınıñ qanunlarına ters kele.
Bunı Qırım.Aqiqat saytına İnsan aqları boyunca Qırım eyyeti bildirdi.
«Teşkilâtnıñ peyda oluvında tesisçi degen añlam bardır. «Qırım» Fondı» hayriye teşkilâtı ukrain qanunlarına köre teşkil etildi. Yani o vaqıt Rusiye qanunlarını Cemilev bozamaz edi. Uquqiy mesele peyda oldı. Mahkeme onı tesisçiler sırasından çıqarmağa qarar aldı, amma buña iç bir uqiuqiy temel yoqtır», – dey İrina Kirkora.
Adliyeci şunı da qayd etti ki, eger de bugün nasıldır bir teşkilât Cemilevni tesisçiler cedveline kirsetmege istese, buña, Rusiye Federatsiyasınıñ ticariy olmağan teşkilâtlar aqqında 15-nci maddesine köre, izin bermeycekler. Acliyeciniñ sözlerine binayen, endi teşkil ve qayd etilgen teşkilâttan tesisçini çıqarmağa olmay.
Bundan da ğayrı, «Qırım» Fondı» hayriye teşkilâtınıñ reisi Riza Şevkiyev añlatqanı kibi, yuridik vesiqalarda Cemilev tesisçi olaraq keçmey eken.
Sentâbr 15 künü Merkeziy rayon mahkemesi fondnıñ bütün esap ve mülki yaqalanmaq kerek olğanı aqqında çıqarğan qararına köre, fondnıñ bütün esap ve mülki yaqalanmaq kerek edi. İrina Kirkova emindir, bu qarar rusiyeli qanunlarını boza.
«Qırım» Fondı»na ait olğan qırımtatar milliy Meclisiniñ binası FSB tarafından sentâbr 17 künü qapatıldı. İnsanlar binanı terk etmege mecbur ediler. Qapatılğan binada 15 yıl devamında qırımtatar milliy Meclisi buluna edi.
