Yalta taqiqat bölügi 30 yaşında olğan yerli sakinge nisbeten içtimaiy ağlarda yazğanları sebebinden cinaiy işni açtılar.
Bunı Qırımda Rusiye taqiqat komitetiniñ matbuat hızmeti bildire.
«Taqiqatnıñ malümatına köre, 2014 senesi avgust 5 künü işbu şahıs içtimaiy ağlarda ekstremist mündericeli bir yazını aşkâr etti. Al-azırda bu iş ögrenile. Cinaiy işniñ taqiqatı devam ete», – deyler komitette.
Müessiseniñ malümatına köre, adam RF CK 282 madde, 1-nci bölüginde yazılğanında qabaatlana (nefret ya duşmanlıqnıñ doğuruvı, yani insan namusınıñ bozuluvı).
Rusiye prezidenti Vladimir Putin iyün 30 künü internette ekstremizmge çağıruvlar sebebinden cinaiy mesüliet aqqında qanunnı imzaladı.
