Link açıqlığı

Rusiye ve Ukraina prezidentleri – Vladimir Putin ve Petro Poroşenko – kelecek afta Milanda ASEM sammiti vaqtında körüşe bilecekler.

Bunı Rusiye devleti başınıñ yardımcısı Yuriy Uşakov bildirdi, dep haber ete Azatlıq Radiosı.

Onıñ sözlerine köre, Rusiye prezidenti diger ğarbiy yetekçiler ile, Almaniya kantsleri Angela Merkel ve Frenkistan prezidenti Fransua Olland ile körüşecek. Uşakovnıñ sözlerine köre, körüşüvlerniñ esas mevzusı – Ukraina vaziyeti olacaq. O şunı da qoştı ki, Büyük Britaniya, İtaliya baş nazirleri ve Avropa komissiyasınıñ yolbaşçılığı ile körüşüvler de ola bile.

Şarqiy Asiya ve Avropanıñ 51 memleketini birleştirgen halqara teşkilâtnıñ ASEM sammiti (Asia–Europe Meeting) – oktâbr 16-17 künleri Milanda keçirilecek.

Vladimir Putinniñ Ukraina prezidenti Petro Poroşenko ile ilk körüşüvi Normandiyada ittifaq ordularnıñ enüvi munasebeti ile iyün 6 künü olğan edi. Subet 15 daqiqa devam etken edi. Ekinci korüşüvleri Minskte avgust 26 künü keçirildi, prezidentler bir-biri ile tahminen eki saat laf etken ediler. Putin ve Poroşenko bir qaç kere telefon vastası ile qonuşqan ediler.

XS
SM
MD
LG