Link açıqlığı

Cemilev: Obama Qırım azat etilmegenine qadar, Rusiyege qarşı sanktsiyalar devam etilecek, dep işandırdı


Amerika Qoşma Ştatalarınıñ prezidenti Barack Obama Qırım azat etilmegenine qadar, Rusiyege qarşı sanktsiyalar küçüni coymaycaqlar.

Bunı Telekritikağa bergen intervyüsında qırımtatarlarnıñ lideri Mustafa Cemilev bildirdi. Obamanen o Varşavada körüşken edi.

«Qırım, çoq yıllar devamında çezilmegen davanıñ esiri olıp qalması mümkünligi sebebinden qasevetimni bildirdim.Em de istilâcınen ticaret nesnesi olması mümkünligi qayd ettim. Amma, o, territoriyanıñ soñki köşesi azamt etilmegenini qadar, sanktsiyalar öz küçüni coymaycaqlar», – dedi Cemilev.

Aytqanına köre, AQŞ-nıñ devlet kâtibi John Kerry tamam şu fikirde.

Kiyevde Almaniyanıñ kantsleri Angela Merkel de Cemilevnen körüşkende, Qırımdan vazgeçmeyceklerini bildirdi.

Mart 16 künü 2014 senesi Qırım ve Aqyarda referendum keçirildi. Onıñ neticelerine köre, Qırım Rusiye terkibine kirsetildi. Ukraina, Avropa Şurası, AQŞ bu rey berüvni tanımadılar.

XS
SM
MD
LG