Qırımda insan aq-uquqlarına riayet etüv vaziyeti kerginleşe ve yarımadadan qıtaiy Ukrainağa köçip ketken insanlarnıñ sayısı ep arta. Qırımtatarlarğa qarşı eñ ziyade basqı yapıla.
Bu aqqında Birleşken Milletler Teşkilâtınıñ Ukrainada insan aqlarına riayet etüv aqqında yañı maruzasında aytıla.
İnsan aqları boyunca idare Qırım akimiyeti ve Rusiye akimiyetine qırımtatarlarğa qarşı basqı, qorquzuv areketlerini toqtatmağa ve yarımadanıñ er bir sakinine esas aqlarını kefil etmege çağıra.
BMT qırımtatar faalleriniñ öldürüvleri ve zorbalıq ğayıp oluvlarını ögrenmege, em de Qırımda BMT insan aqları boyunca yuqarı komissar boyunca insan aqlarına riayet etüv vaziyetiniñ monitoring temin etilmesine çağıra.
BMT malümatlarına köre, Qırımdan qıtaiy Ukrainağa mecbur köçip ketken insanlarnıñ sayısı 17794 insannı teşkil etti.
