Link açıqlığı

Oktâbr 14-25 künleri biñden ziyade insan işğal etilgen Aqyar ealisini cedvelge alacaq. Olarnıñ havfsızlığını politsiya hadimleri ve cemaatçılar temin etecekler, dep bildirdi Aqyar boyunca devlet statistika federal hızmet territorial organınıñ reber muavini Yelena Datsük Aqyarda ealini cedvelge aluv azırlığı ve keçirilmesi boyunca toplaşuvda.

Bu aqqında Qırımnıñ öz başına ilân etilgen akimiyetke yaqın olğan Krıminform saytı.

Onıñ aytqanına köre, şeer sakinleriniñ evlerine 964 insan kirecek. Olarnıñ beysbolkaları, mavı şalları, şahsiyet vesiqaları, çantası, qaranlıqta ışıq doğurğan bilezligi ve fonarleri olacaq.

Bundan ğayrı, Aqyarda işaretli bölükler açılacaq.

Rusiye tarafından işğal etilgen Qırımda oktâbr 14-25 künleri ealini cedvelge alacaqlar. Vatandaşlarğa 33 sualden ibaret anketa berilecek. Rusiye ükümeti bildirdi ki, Qırım federal okrugında ealini cedvelge almaq içün 387 mln. ruble ayırıldı.

Rusiye prezidenti Vladimir Putin yarımada inkişafı içün Qırım ealisini cedvelge almaq kerek, dep bildirdi.

Qırımtatar Milliy Meclisiniñ reisi Refat Çubarov yarımada ealisini cedvelge aluv esnasında qırımtatarlar ve Qırımnıñ diger sakinlerine qarşı repressiyalar ola bile, dep bildirgen edi.

XS
SM
MD
LG