Link açıqlığı

Saatnıñ esas haberi

Nuland: FLEX mektep almaşuvı programmasında Rusiyeniñ yerleri Ukrainağa berilecek


Amerika Qoşma Ştatları devlet kâtibiniñ yardımcısı Viktoria Nuland Rusiyeniñ FLEX mektep almaşuvı programmasından vazgeçmek qararına yazıqsındı. O, Kiyevde ukrain studentleri ögünde çıqışta bulunır eken, endiden soñ genç ukrainler içün 300 qoşma yer ayıralacağını bildirdi, dep haber ete 5-inci kanal.

Nuland Yuqarı Radanıñ serbest ve adaletli saylavları ve Donetsk ve Lugansk vilâyetleriniñ ayrı rayonlarında nevbetten tış yerli saylavlar keçirilmesiniñ müimligini qayd etti.

Onıñ aytqanına köre, devlet sıñırı imaye etilse, Ukrainada yalıñız Yuqarı Rada saylavları degil de, dekabr 7-de Donbass saylavları da serbest ve adaletli bir şekilde keçirilse, er kes bunıñ faydasını körecek. O, ukrainlilerni oktâbr 26-sı saylavlar arfesinde halq deputatlarınıñ namzetlerini tafsilâtlıca ögrenmege çağırdı.

Sentâbr 30-da Rusiye ükümeti FLEX halqara tasil programmasından çıqmaq qararını qabul etti. Bundan evel Rusiye tışqı işler nazirligi programmada yalıñız vaqtınca iştirak etmeyceklerini bildirgen edi. Balalar aqları boyunca vekâletli Pavel Astahovnıñ bildirgenine köre, esas sebeplerden biri – Amerika tarafından AQŞ-na kelgen Rusiye mektep talebeleriniñ keri qaytması boyunca şartlarnıñ yerine ketirilmemesidir.

Rusiye mektep talebeleri oktâbr ayınıñ başında Rusiye ükümetine petitsiyanı imzalap, olarğa AQŞ ile beraber keçirilgen tasil programmasında iştirak etmek içün ruhset soradılar. Olarnıñ aytqanına köre, Future Leaders Exchange (FLEX) programması çoqusı balalar içün diger memlekette bedava tasil almaq yekâne imkânıdır, çünki er bir qoranta tasilni ödep olamay.

XS
SM
MD
LG