Qırımdaki Taqiqat komiteti Aqmescitteki Pavlenko soqağında yerleşken «Krımçanka» lombard hadimniñ öldürüvi boyunca cinaiy iş açtı. Bu aqqında «Krıminform» saytı «Qırım Cumhuriyeti boyunca Rusiye Taqiqat komitetiniñ Baş taqiqat idaresiniñ» resmiy vekili Yevgeniya Belikovanıñ aytqanlarına esaslanıp bildire.
«Cinaiy iş Rusiye Federatsiyası Cinaiy kodeksiniñ 105-inci maddesi 1-inci qısmı (öldürüv) boyunca açıldı», – dep bildirdi Belikova. Onıñ malümatına köre, al-zaırda cinayetçilerniñ şahsiyetleri belgilene.
SKR «Qırım idaresiniñ» vekili bildirdi ki, lombard hadimini cumaertesi künü atıp öldürdiler. Müessiseden para ve qıymetli şeylerni çıqardılar.
