Link açıqlığı

Meclis Groznıy şeerinde terakt aqibetinde elâk olğanlarnıñ qorantalarına taziyelerini bildirdi


Qırımtatar Milliy Meclisi 2014 senesi oktâbr 5-te Groznıy şeerinde olıp keçken terakt aqibetinde elâk olğanlarnıñ qorantalarına ve aqrabalarına taziyeler bildirip, zarar körgenlerge sağlıq tiledi. Bunı qırımtatar halqınıñ temsil organınıñ resmiy saytı bildire.

«Qırımtatar Milliy Meclisi neticede insanlar zarar körgen ve elâk olğan, em de musulmanlarnıñ Qurban bayramında, bir de bir zorbalıq areketlerini imkânsız dep tanıy. Qırımtatar halqı adından çeçen halqına minnetdarlıq bildiremiz, onıñ facianen bağlı qaar-qasevetini paylaşamız», – aytıla Meclis beyanatında.

Bazar künü, oktâbr 5-te, Groznıy şeerinde yüz bergen terakt aqibetinde 5 polis hadimi, ve daa 12 adam elâk oldı. Rusiye içki işler nazirligi terakt keçirgen er kişiniñ şahsiyetini belgilegen kibi bildirdi. Olarnıñ malümatlarına köre, bunı eki ay evelsi evden ketken Staropromıslov rayonınıñ sakini yaptı.

Bazar künü aqşam Groznıy şeerinde şeer kününe bağlışlanğan kontsert ötkerilmek kerek edi. Kontsert salonı yanındaki metallodetektorlarnıñ çerçiveleri yanında politsiya adimleri bir erkekni kördiler. Politsiya hadimleri onıñ şahsiyetini belgileycek arada er kişi özüni patlavğa oğrattı.

XS
SM
MD
LG