Qırımtatarlarnıñ milliy lideri Mustafa Cemilevniñ qadını Safinar oktâbr 6 künü qırım şifahanesinde cansız tapılğan Edem Asanov öz özüni öldürgenine inanmay.
Bunı o, Edem Asanovnıñ oktâbr 7 künü Saqta keçirilgen cenazesinde bildirdi.
Onıñ fikrince, qırımtatarnıñ ölümini sanki o kendi kendisini öldürdi olaraq taqdim etmege isteyler.
Safinar Cemileva bu kibi ziddiyetler yarımdada ileride daa da sıq olacağını tahmin ete.
Edem Asanovnıñ ölümini izaatlap, Mustafa Cemilevniñ qırımtatarlarnı Qırımda çeşit yollar ile quvmağa tırışacaqlar degen sözleri ile razı oldı.
«Er şey qattı tarzda yapılacaq degen edi», – dedi o
Sentâbr 29 künü Kezlevde qırımtatar Edem Asanov ğayıp oldı, oktâbr 6 künü onı cansız alda taptılar. Qırımtatar milliy Meclisinde oğlan asılğan alda tapılğanını bildirdiler.
Oktâbr 6 künü Edem Asanovnıñ ceseti yanında tapılğan tezkerede oğlan ölüminde kimseni qabaatlamamağa rica etti..
