Link açıqlığı

Meclis reisi: akimiyet tarafından insanlarnıñ ömürleri içün telüke olsa, cemaatnıñ sabırı soñsuz olmaycaq


Cemaat sabırı soñsuz degil. Hususan, akimiyet tarafından insanlarnıñ ömürleri içün telüke olsa, dep tüşüne Qırımtatar Milliy Meclisiniñ reisi Refat Çubarov.

İnsanlarnıñ ğayıp olması ve ölümi qırımtatarlarnıñ narazılıq aktsiyalarını doğura bilemi sualine o aynı böyle cevap berdi.

Onıñ fikirince, Qırım işğaliniñ birinci künlerinden başlap qırımtatar halqına qarşı repressiyalar ep arta. Aynı vaqıtta, esir aluv usulları, «buña tecribeli insanlarnıñ alâqası bar olğanını köstere».

Meclis zanınca, böyle etip yerli akimiyet Moskvağa hızmet ete ve yarımada nezaret altında olğanını kösterecek ola.

Bundan evel, sentâbr 27-de Qarasuvbazar civarındaki Sarı-Su köyünde belgisiz şahıslar eki genç İslâm Cepparov ve Cevdet İslâmovnı esir aldılar. Olarnı alâ daa tapmadılar.

Edem Asanov sentâbr 29-da ğayıp oldı. Bu künü kündüz onı Kezlev avtostantsiyasında körgen ediler.

Oğlannıñ qız qardaşı dey ki, Edem siyasetke kirişmedi, içtimaiy ağlarda bir de bir sert izaatlar qaldırmadı.

Oktâbr 6-da Edem Asanovnı Kezlevdeki baqımsız bir şifahanede ölü taptılar.

XS
SM
MD
LG