Qırımtatar halqı Qurultayınıñ nevbetteki toplaşuvı İstanbulda keçirilmesi mümkün.
Bu aqqında qırımtatar halqınıñ lideri Mustafa Cemilev Kiyevdeki matbuat konferentsiyasında bildirji.
Onıñ aytqanına köre, Qurultay keçirilmesiniñ eki yeri baqıldı – Herson ve Kiyev. Lâkin, Cemilevniñ aytqanına köre, Qurultay iştirakçilerini Qırımğa keri kirsetmey bileler.
Onıñ içün daa bir variant olaraq Qurultaynıñ Türkiyede keçirilmesi muzakere etile. Lâkin bundan soñ da onıñ bazı iştirakçilerini Qırımğa kirsetmemeleri mumkün.
Bu mesele Türkiye prezidenti Recep Tayip Erdoğan ile muzakere etilecek.
Qırım.Aqiqat bergen malümatqa köre, qırımtatar halqı liderleriniñ Qırımğa kiriş yasaq etilgen soñ ve temsil organları yerleşken bina tevqif etilgen soñ, Meclis reberligi «akimiyet» istegeni kibi deñişme bile, dep aytıp başladılar. Yañı reis vazifesini «Devlet şurasınıñ» «spiker muavini» Remzi İlyasov ala bile, dep bildireler. Meclis bu adımlarnıñ teşebbüsçileri maqsadına irişip olurlar, dep şübeleneler. Ekspertler iye taraflarnıñ imkânlarına farqlı qıymet keseler.
