Link açıqlığı

Bütün dünya tatarlarını qırımtatarlarğa qarşı yapılğan basqı qasevetlendire – beyanat


Qırımtatar halqınıñ vekilleri ve olarnıñ cemaat teşkilâtları etrafında olğan Qırımdaki soñki adise-vaqialar tatar cemaatınıñ qasevetini doğura.

Bu aqqında Bütün dünya tatarlar kongressiniñ beyanatında aytıla.

«Qırımtatar Milliy Meclisini binadan quvuv, qırımtatarlarnıñ evlerinde tintüvler, Qırımdan çıqmaq imkânlarından marum qaldıruv, adamlarnıñ ğayıp oluvı ve bunıñ kibi diger adise-vaqialar qırımtatar ealisinde qorqu doğru, akimiyet organlarına nisbeten işanç olmaması ve yarımadada barışıq ve istiqrar olmamasınıñ sebebi ola», – aytıla beyanatta.

Kongress vekilleriniñ qayd etkenine köre, stalin sürgünini baından keçirgen qırımtatarı halqı kendi Vatanında raat-raat yaşamağa istey, iç kimseniñ zıddiyet doğurmaq niyeti yoq.

Qırım.Aqiqat bergen malümatqa köre, işğal etilgen Qırımda adamlar sıq-sıq ğayıp olıp başladılar. Qarasuvbazar civarındaki Sarı-Su köyünde esir alınğan İslâm Cepparov ve Cevdet İslâmov alâ daa tapılmadılar. Bu künleri daa bir qırımtatarı Eskender Apselâmov ğayıp oldı.

XS
SM
MD
LG