Link açıqlığı

Putin Qırım akimiyetine medeniyet ve sanatnı acele sürette inkişaf ettirmege emir etti


Rusiye prezidenti Vladimir Putin Qırımnıñ öz başına ilân etilgen akimiyetine yarımadada medeniyet ve sanatnı inkişaf ettirmege avale etti.

Putinniñ emirler cedveli Kremlniñ resmiy saytında derc etildi.

2014 senesi dekabr 1-ne qadar Rusiye Federatsiyası prezidentiniñ memuriyeti, Qırım Cumhuriyeti ve Aqyar akimiyet organları yarımadada medeniyet ve sanat ilerilemesine yönelgen tedbirler programmasını azırlamaq kerekler.

Bu işte mesülietli olaraq Rusiye baş naziri Dmitriy Medvedev, prezident mesleatçısı Vladimir Tolstoy, Qırım federal okrugında devlet yolbaşçısınıñ vekâletli vekili Oleg Belaventsev, Qırımnıñ öz başına tayin etilgen baş naziri Sergey Aksönov ve Aqyarnıñ öz başına tayin etilgen gübernatorı Sergey Menâylo belgilendiler.

XS
SM
MD
LG