İşğal etilgen Qırımda üç yüzge yaqın qoranta ve eki camige Qurban bayramı munasebeti ile Sаkarya Derneginden (Türkiye) 71 qoy berildi.
Qırım.Aqiqat mühbiriniñ malümatına köre, qurbannı Aqmescit rayonınıñ Qulçuq köyünde çaldılar.
«Qırımtatarlar Türkiyede yaşağan arqadaşlarına teşekkürlerini bildirеler», – deyler qırımlılar.
Hatırlatamız, oktâbr 4 künü bütün dünya musulmanları Qurban bayramını qayd eteler. Qırımnıñ bütün camilerinde bayram namazı keçirildi. Eñ büyük namaz Aqmescitte Zenaat birligi evinde Qırım musulmanları diniy yetekçisi Emirali Ablayev imamlığında keçirildi.
