Link açıqlığı

Qırımda sakinlerniñ esabına qurulğan cami açıldı


İşğal etilgen Qırımda qırımtatarlarnıñ toplu yaşağan Ana Yurt qasabasında cumaaqşamı künü, oktâbr 4 künü, yañı cami açıldı.

Qurban bayram munasebeti ile mında ilk namaz keçirildi,– dep haber ete Qırım.Aqiqat mühbiri.

Bayram namaznı Qırım musulmanları müftiy muavini Esadullah Bairov keçirdi. O, toplanğan vatandaşlarnı yañı cami açıluvı ile munasebeti ile hayırladı ve tınçlıq ve birlikni tiledi. Bayram namazına 100 insan qoşuldı.

Qırım.Aqiqat mühbirine cami imamı Said Akimov añlatqanı kibi, cami beş yıl devamında sakinlerniñ esabına quruldı. Şimdi, onıñ sözlerine köre, 150 insannı sığdıra bilecek cami 80% azırdır.

«Devletten yardım beklemedik ve beklemecekmiz, özümiz yapıp bitirirmiz», – dedi imam.

Yaqın zamanda, Akimovnıñ malümatına köre, minaretni qurmağa planlaştıralar.

Hatırlatamız, oktâbr 4 künü bütün dünya musulmanları Qurban bayramnı qayd eteler. Qırımnıñ bütün camilerinde bayram namazı keçirildi. Eñ büyük namaz Aqmescitte Zenaat birligi evinde Qırım musulmanları diniy yetekçisi Emirali Ablayev imamlığında keçirildi.

XS
SM
MD
LG