Link açıqlığı

Al-azırda Rusiye askerleri Qırım tarafından qıtaiy Ukraina tarafına areket etmeyler.

Bunı RNBO malümat analitik merkeziniñ vekili, polkovnik Andriy Lısenko Kiyevdeki brifingde bildirdi.

«Şimdi istiqrarlı vaziyet üküm süre. Rusiye askerleri alğan yerlerden keri qaytmaylar, lâkin Qırım tarafından Ukrainanıñ qıtaiy qısmı tarafına bir de bir areketler körünmey», – dep ayttı Lısenko.

Rusiye ordularınıñ qıtaiy Ukrainağa qarşı beklenilgen istilâsı aqqında qırımtatar halqınıñ lideri Mustafa Cemilev çarşenbe künü PACE toplaşuvında ayttı. Onıñ aytqanına köre, Rusiye askerleriniñ sayısı arta ve «Qırımda arbiy areketler başlanması aqqında açıq sürette laf eteler».

XS
SM
MD
LG