Link açıqlığı

Qırımlılar oktâbr 15-ne qadar «qanuniy» narazılıq meydanlarınıñ cedveline kirsetilmek kerek


Qırımnıñ milletler ve sürgün olğan grajdanlarnıñ işleri boyunca «Devlet komiteti» öz başına alğan topraqlarda damartı almağa istegen grajdanlarnıñ yañı cedvelini bir afta içinde tizecek ola.

Bu aqqında Aqmescitte olıp keçken matbuat konferentsiyasında Qırım «baş naziriniñ muavini» Ruslan Balbek bildirdi, dep haber ete Qırımnıñ öz başına ilân etilgen akimiyet ruporı Krıminform saytı.

Balbekniñ aytqanına köre, topraq damartılarını alacaq insanlarnıñ cedveli 2006 senesinden berli deñişmedi. Narazılıq meydanlarınıñ umumiy toprağı ise 1,5 biñ ga teşkil ete. Grajdanlarnıñ yañı cedvellerini oktâbr 8-15 künleri «Milletler boyunca devlet komitetine» bermeli.

İşğal etilgen Qırım akimiyetiniñ topraq inventarizatsiyası neticesinde 1452 gektarlıq 59 narazılıq meydanı qayd etildi.

Bu meydanda 2545 inşaat ve bina yerleşe. İşbu narazılıq meydanları Sudaq rayonı, Aluşta, Yalta, Aqmescit ve Aqmescit rayonında yerleşe.

XS
SM
MD
LG