Cumaertesi künü, oktâbr 4-te, musulman Qurban bayramınıñ birinci künü, işğal etilgen Qırımda grajdanlıq imayesi boyunca büyük bir idman keçirilecek.
Qırım «ükümeti» matbuat hızmetiniñ ilânına binaen, tedbir kün devamında – saat 6-dan saat 18-ge qadar yerli vaqıtına köre keçirilecek.
Matbuat hızmetiniñ malümatına köre, idmanğa icra akimiyeti federal organları, Rusiye Federatsiyası subyektleriniñ icra akimiyet organları ve yerli idare organları celp etildi.
Musulmanlarnıñ Qurban bayramı Qırımda raatlıq künü olaraq ilân etildi. Bundan sebep işğal etilgen yarımada sakinleri oktâbr 6-da raatlanacaqlar.
Ukraina musulmanları Diniy idaresiniñ din cemiyetleri Qırımdan ve Donbassta keçirilgen arbiy areketler yerlerinden köçip kelgen adamlarğa qurban etini tarqatmağa qarar berdiler.
Qurban bayramı – hac ibadetiniñ yekünlenmesini ifade etken islâm bayramıdır, onı Oraza bayramından 70 kün keçken soñ qayd eteler.
