Rusiyede tatar faali, Tatar halqı Milliy Meclis reisi Fauziya Bayramovanı mahkeme ettiler. Faal qırımtatalarğa qol tutqanı sebebinden repressiyalarnıñ daa bir basamağına oğradı.
Bu aqqında Qırımtatar Milliy Meclis reisi Refat Çubarov Facebook saifesinde yazdı.
Çubarov tatar faaline sayğı duyğanını bildirdi. O, Qırım Rusiye işğalinden azat etileceginde ve qırımtatar halqınıñ aqları mustaqil Ukraina terkibinde ğayrıdan tikleneceginde emin.
Cumaaqşamı künü, oktâbr 2-de, Naberejnoçelninsk mahkemesi tatar halqınıñ Milliy Meclis reisi, faaliyetçi, yazıcı Fauziya Bayramovağa bir yıl şartlı apis cezasını belgiledi.
Bayramovanı içtimaiy ağlarda olğan «Canavar ve qurbanlar» degen maqalesi sebebinden, azaplardan zarar körgen musulmanlarnı qoruğanı, Milliy Meclisniñ «Qırım ve Ukrainadaki vaziyet aqqında» aytqanı, qırımtatar ve Ukrainağa qol tutqanı sebebinden cezaladılar.
