Link açıqlığı

Amerika Qoşma Ştatlarını yarımadada qırımtatarlarnı qorquzmaq «aydut» usulları açuvlandıra


Crimean Tatar people mourning rally on May 18 in Simferopol

Amerika Qoşma Ştatlarını Qırımnıñ rusiyeli akimiyetiniñ qırımtatar halqınıñ menfaatlarını temsil etken ükümetten tış teşkilâtlarnıñ faaliyetlerini «aydut» usullar vastasınen sıñırlamaq areketleri qasevetlendire.

Bu aqqında AQŞ OSCE yanında eyyet yolbaşçısı Brayan Etvud Varşavada ildirdi, dep haber ete Ukrinform.

Bazı allarda sıñırcılar «problemli» turistlerni belgilep, olarnıñ pasportlarını bozıp, ileri ziyaretine keder eteler, belgisiz şahıslar ise olarğa ava limanına ketmege keder etmek içün maşinalarına zarar ketireler, dep qayd etti AQŞ temsilcisi.

Malüm olğanı kibi, Human Rights Watch Halqara uquq qoruyıcı teşkilâtı Rusiye akimiyetini faallerge New York şeerine barıp, tamır halqlarınıñ aq-uquqları boyunca konferentsiyada iştirak etmege imkân bermegen insanlarnı cezalamağa çağırdı.

Böylece, Qırım tamır halqlarınıñ tedqiq ve qol tutuv Halqara fondunıñ prezidenti Nadir Bekirov konferentsiyağa barmaq içün Kiyevge ketken zamanda belgisiz şahıslar onıñ pasportını aldılar.

XS
SM
MD
LG