Link açıqlığı

Saatnıñ esas haberi

İşğal etilgen Qırım şirketlerinden 15 milliard ruble miqdarında bergilerni topladılar


Rusiye Federatsiyası tarafından işğal etilgen Qırımda oktâbr 1-ne 15,5 milliard ruble bergi topladılar, – dep bildire Qırımnıñ öz başına tayin etilgen akimiyetine yaqın olğan Krıminform saytı.

Bunı bugün Rusiye Federal bergi hızmetiniñ yerli idare başınıñ muavini Sergey Krükov oktâbr 2 künü bildirdi.

Onıñ sözlerine köre, 2014 senesi doquz aynıñ neticeleri, bıltır olğanına köre, daa da yüksek oldı.

«Qırımnıñ Rusiye terkibine kirgeni ile bağlı porblemlerge baqmadan, bergilerni ödegen vatandaşlarımıznıñ yararlığıdır», – dedi Krükov.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.

XS
SM
MD
LG