İşğal etilgen Qırımda talebeler içün şeer naqliyatında imtiуazlarnı lâğu ettiler, dep yaza Komsomolskaya pravda.
Bunı, Rusiye Federatsiyasınıñ qanunlarına köre, şeer naqliyatında tek 7 yaşına qadar balalar içün imtiуazlar olğanı ile añlatalar.
«Ket-kete Rusiye Federatsiyasınıñ qanunlarına keçemiz. Rusiye qanunlarına köre, şeer naqliyatında yedi yaşına qadar balalar bedava yüre bileler, Ukrainada ise – 6 yaşına qadar», – dep ayttılar Qırım naqliyat ve alâqa «nazirliginde».
Neşirniñ yazğanına köre, bu sebepten naqliyat aydavcıları ve talebelerniñ ana-babaları arasında sıq-sıq ziddiyetler yüz bere. Qırımlılar balaları içün tam yol parasını bermege istemey, evel talebeler içün yol fiyatı – 2 grn edi.
2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne AQŞ neticelerni tanımadı ve bunı Rusiye tarafından Qırımnıñ işğali olaraq sayalar.
