Link açıqlığı

SNBO: işğal etilgen Qırımda «Donbass içün» ve «Novorossiya içün» yazılı BTRlar tura


Donbassta ateş toqtatuv rejimine baqmadan, Rusiye sıñır rayonlarında arbiy tehnika ve askerlerniñ areketi qayd etile, işğal etilgen Qırımda «Donbass içün» ve «Novorossiya içün» yazılı BTRlar tura.

Bunı Ukraina SNBO matbuat hızmetinde bildireler.

«İşğal etilgen Qırımnıñ Sarabuz qasabasında «Donbass içün» ve «Novorossiya içün» yazılı 5 BTR ile tren turmaqta», – denile matbuat hızmetiniñ beyanatında.

Soñ zamanları Rusiye ordusı qıtaiy Ukrainağa işğal etilgen Qırım tarafından istilâ ete bilecegi aqqında söz yürsetile.

Şu cümleden, bunı yaqında halq deputatı, qırımtatarlarnıñ milliy yetekçisi Mustafa Cemilev bildirdi. O, arbiy areketler başlağanda, Qırımda ilk nevbette beşinci kolonna, yani qırımtatarlarnı yoq etmege başlaycaqlarını tüşüne.

XS
SM
MD
LG