Cumaaqşamı künü, oktâbr 2-de, Naberejnoçelninsk mahkemesi tatar halqınıñ Milliy Meclis reisi, faaliyetçi, yazıcı Fauziya Bayramovağa bir yıl şartlı apis cezasını belgiledi.
Bunı öz Facebook saifesinde Tatar cemiyet merkeziniñ reisi Rafis Kaşalov bildirdi.
Onıñ malümatına köre, Bayramovanı içtimaiy ağlarda olğan «Canavar ve qurbanlar» degen maqalesi sebebinden, azaplardan zarar körgen musulmanlarnı qoruğanı, Milliy Meclisniñ «Qırım ve Ukrainadaki vaziyet aqqında» aytqanı, qırımtatar ve Ukrainağa qol tutqanı sebebinden cezaladılar.
«Rusiye mahkemelerinde tatar milleti iç bir zaman ğalip çıqmaz. Rusiye mahkemesiniñ tatarlarğa bu kibi davranışı asırlarca saqlana, iç bir şey deñişmey. Faqat, mahkeme taqibi tatarlarnıñ aqları olğrunda küreşini toqtatıp olamaz. Allahu Akbar!», – dep yazdı o.
Fauziya Bayramova – tatar yazıcısı, cemaat erbabı, uquq qorçalayıcı, tarih ilimlerniñ namzeti, «İttifaq» firqasınıñ reisi, tatar milliy areketiniñ yetekçilerinden ve Tataristanda siyasiy muhalifetniñ azalarından biridir.
