Link açıqlığı

Saba boyevikler kene Donetsk ava limanına ücüm ettiler


Ukrain askerleriniñ nezareti altında olğan Donetsk ava limanına bugün kene separatistler ücüm ettiler, dep haber ete Ukraina şarqındaki mahsus ameliyatnıñ matbuat hızmeti reberi Vladislav Seleznöv.

Aqşam ukrain arbiyleri ava limanğa etilgen bir qaç ücümni qaytardılar. Ukraina SNBO-da haber etilgenine köre, yedi separatist elâk oldı, ondan ziyadesi yaralandı. Arbiy hızmetçiler arasında zarar körgenler yoq. Ava limanınıñ eki terminalını da ukrain arbiyleri nezaret ete.

Tünevin Donetsk halq cumhuriyetiniñ öz başına tayin etilgen baş naziri Aleksandr Zaharçenko jurnalistlerne şunı bildirdi ki, aftanıñ soñuna qadar separatistler Donetsk ava limanını bütünley kendi nezareti altına alacaqtır eken.

Keçken kün devamında separatistler 30 kere Donbasstaki ukrain ordularnıñ bölüklerine ateş açqan edi, dep bildire UNİAN. Zarar körgen arbiy adamlar aqqında malümat yoq.

XS
SM
MD
LG