Bazar künü, oktâbr 5 künü, Saq şeer camisinde Qurban Bayram munasebeti ile merasim olıp keçecek.
Bunı Qırım Musulmanları diniy idaresi bildire.
«Kiriş serbest, bala ve ana-babalar davetli»", – deyler QMDİ-de.
Bayram çerçivesinde: küreş, yarışlar, sıcaq pilâv ve tatlılıqlar ile sıylaycaqlar.
Tedbirniñ başlanması saat 11-ge planlaştırıla.
Qırımda Qurban Bayram munasebeti ile raatlıq kününi bazarertesi, oktâbr 6-na, avuştırıldı.
Qurban Bayram – Hacılıqnıñ soñunda ve Oraza bayramdan 70 kün keçkeninden qayd etilgen bayramdır.
