Link açıqlığı

Saatnıñ esas haberi

Putin: Rusiyede internetni yasaq etmeycek, lâkin bazı saytlarnı qapatacaq


Rusiye prezidenti Vladimir Putin
Rusiye prezidenti Vladimir Putin

Rusiye internet kirişini sıñırlamaycaq, lâkin qanunsız olğan köntent ile saytlarnı ardı-sıra qapatacaq. Bunı Rusiye prezidenti Vladimir Putin Havfsızlıq keñeşiniñ toplaşuvında bildirdi, – dep haber ete İTAR-TASS.

Onıñ qayd etkenine köre, Rusiye akimiyeti cemaat ve biznesniñ qanuniy menfaatlarını sıñırlamaycaq.

Rusiye prezidentiniñ bildirgenine köre, «akimiyet diger inkişaf etken memleketlerniñ tecribesinden faydalanıp, kendi grajdanlarnı risklerden qorumaq kerek».

Vladimir Putinniñ aytqanına köre, «qanunsız köntenti olğan satstlar ardı-sıra qapatılacaq». Onıñ fikirince, global ağda terroristik ve ekstremistik malümatlar tarqala. Em de informatsion imkânlarnı qullanıp, cinayetler yapıla. Misal olaraq, banklarnıñ bilgisayar sistemalarını bozuv.

Rusiye prezidenti hatırlattı ki, soñki yıllarda bunıñ kibi telükelerge qarşı bir sıra müim adımlar atıldı.

XS
SM
MD
LG