Aqmescitte bayram namazı keçirilecek.
Bu aqqında Qırım musulmanları Diniy idaresiniñ matbuat hızmeti bildire.
Qurban bayramınıñ birinci künü Aqmescitteki Kiyevskaya soq., 115 adresi boyunca zenaat birlikleriniñ medeniyet Sarayında bayram namazı qılınacaq.
Namaz vaqtı Moskva saatine köre 8.30 başlanacaq.
Bayram namazını Qırım musulmanlarınıñ müftisi haci Emirali Ablayev keçirecek.
Musulmanlarnıñ Qurban bayramı Qırımda raatlıq künü olaraq ilân etildi. Bundan sebep işğal etilgen yarımada sakinleri oktâbr 6-da raatlanacaqlar.
Qurban bayramı – hacnıñ yekünlenmesini ifade etken islâm bayramıdır, onı Oraza bayramından 70 kün keçken soñ qayd eteler.
