Oktâbr 1-de Qırımnıñ «Devlet şurası» oktâbr 9-da «parlamentniñ» toplaşuvını keçirmege qarar aldı. Muşaverede Qırım «yolbaşçısını» saylaycaqlar.
Bu aqqında Qırım «parlamentiniñ» matbuat hızmeti bildire.
«Qırım Cumhuriyeti Devlet Şurası sessiyasınıñ plenar toplaşuvınıñ mevzuları ğayet keniş olacaq, lâkin kün tertibiniñ esas meselesi Qırım Cumhuriyeti yolbaşçısınıñ saylavları ve bu vazifede Qırım Cumhuriyeti Nazirler şurasınıñ reisi olmaqnen beraber bulunmasınıñ mümkünligi olacaqtır», – aytıla beyanatta.
Deputatlar altı «qanun» leyhasını birinci oquvda ve bir sıra qaide uquq vesiqanı baqacaqlar.
Aynı bu toplaşuvda deputatlar bundan evel qabul etilgen bir qaç «qanunğa» deñişmeler kirsetecek, Qırım «Devlet şurasınıñ» qabarcıq komissiyasını şekillendirecekler ve komitetler aqqında nizamnameni tasdıqlaycaqlar, bundan ğayrı, komitetlerniñ iş nizamı ile bağlı ayrı meselelerni çezecekler.
Bundan ğayrı, Qırım deputatları mal-mülk terkibi aqqında meselelerni baqacaqlar. Qırım «Devlet şurasınıñ» reisi Vladimir Konstantinovnıñ aytqanına köre, Qırım «yolbaşçısı» vazifesinde şimdiki öz başına ilân etilgen baş naziri Sergey Aksönovnı tayinycekler.
