Link açıqlığı

Matbuat vastaları: Rusiye kinokompaniyası Qırım işğali aqqında film çıqaracaq


2015 senesi noyabr ayında Rusiyede Qırımnıñ Rusiyege qoşulması aqqında bediiy filmniñ taqdim merasimi beklenile. Filmni Yalta kinostudiyasında çıqaracaqlar, dep yaza İzvestiya neşiri.

«Avatar film» kinokompaniyası filmniñ adını deñiştirdi: işçi adı «Domoy» «More volnuyetsâ» adına çevirildi.

Kompaniya prodüseri Anatoliy Sivuşov neşirge bergen malümatqa köre, film çıqarılmasına 1 mln dollar berecek yatırımcılar tapıldı, lâkin olarnıñ adları aydınlatılmay. Medeniyet Nazirligi ve Kino Fondu da 3 mln dollar berecekler. Sivuşovnıñ bildirgenine köre, Qırım aqqında film 2015 senesi noyabr ayında ekranlarda olacaq.

Şimdilik stsenariyniñ birinci variantı tasdıqlandı, lâkin film çıqarılmasına qadar, 2015 senesi baarge qadar, onı deñiştire bileler.

2014 senesi mart 16-da Qırımda ve Aqyar şeerinde yarımada statusı aqqında «referendum» olıp keçti. Onıñ neticesinde Rusiye Qırımnı öz terkibine qabul etti. Ne Ukraina, ne Avropa Birligi, ne Amerika Qoşma Ştatları işbu rey berüvni tanımayıp, Qırım Rusiye tarafından işğal etilgenini bildireler.

XS
SM
MD
LG