Link açıqlığı

Bu sene 100 yılını tolduracaq Aqyarnıñ Cuma Camisiniñ damı acele tamir işlerine muhtac. Bu şeerniñ yekâne camisidir. Bu aqqında Qırım musulmanları Diniy idaresiniñ matbuat hızmeti bildire.

«Münevver» şeer musulman cemiyetiniñ reisi Enver Resulyevniñ aytqanına köre, bundan evel cami damını kendi imkânlarına köre tamir etken ediler, lâkin bu sene sentâbr ayında yağğan küçlü yağmurlar neticesinde damı alı daa beter oldı.

«Cami damını bütünley deñiştirmek kerek, tamir işleri tahminen 20 biñ dollar olaraq belgilene», – aytıla beyanatta.

Aqyarnıñ musulman cemiyeti lâqayt qalmağan adamlarnı cami tamirine para bermege çağıra. Sermiyanı camige (Aqyar ş., Kulakov soq., 31) ketirmek mümkün, tafsilâtlı malümatnı ise Enver Resulyevden ögrenmek mümkün (+79788145937).

Arhiv malümatlarına binaen, Aqyardaki Cuma Cami Aqyar musulman cemiyeti imamınıñ reberligi altında II Nikolay parasına onıñ babası – imperator III Aleksandr şerefine quruldı. Cami kirişinda arapça ve rusça yazı bar: «III Aleksandr hatırasına».

Aqyardaki camide ilk namaznı bütün türk musulman aleminde meşur olğan qırımtatar maarifçisi İsmail Gasprinskiy keçirdi. O, cami esasçısı Yusuf Rahimovnıñ yaqın dostu edi.

XS
SM
MD
LG