Link açıqlığı

Oktâbr 1-de Tatar halqınıñ Milliy Meclis reisi Fauziya Bayramovanıñ mahkeme toplaşuvı ötkerilecek. Qadınnı içtimaiy ağlardaki bir sıra maqaleler, şu cümleden qırımtatar halqı ve Ukrainanen bağlı olğan maqaleler içün mahkeme eteler.

Bu aqqında haber Bayramovanıñ Facebook saifesinde yerleştirildi.

«Mahkümniñ soñki sözü ve prigovor beklenile», – aytıla beyanatta.

Mında qayd etile ki, Fauziya Bayramova «ekstremizm» içün 282 maddesiniñ 1-inci qısmı boyunca qabaatlana. Devlet qabaatlayıcısı ise onı 1 yılğa qadar ğıyabiy şekilde apske almağa rica etken edi.

«Qabaat qararında» aytıla ki: «Bayramova tatar halqınıñ Milliy Meclis reisi olıp, kendi areketleriniñ cemaat telükesini bilip, cemaat telüke aqibetlerini tahmin etip ve buña irişip, anayasa qurumı ve devlet havfsızlığına qarşı cinayet yaptı – millet mensüpligine köre insanlar arasında dava doğurmaq içün areket etti».

Böylece, Bayramova Facebooktaki «Ayvanlar ve qurbanlar» adlı maqale, sorğudan zarar körgen musulmanlarğ qol tutuv ve tatar halqı Milliy Meclisiniñ «Qırım ve Ukrainadaki vaziyet aqqında» beyanatı, qırımtatarlar ve Ukrainağa qol tutqanı içün qabaatlana.

Fauziya Bayramova – tatar yazıcısı, meşur cemaat erbabı, uquq qorçalayıcı, tarihiy ilimler namzeti, «İttifak» firqasınıñ reisi, tatar milliy areketiniñ ve Tataristandaki siyasiy muhalifet liderlerinden biri.

XS
SM
MD
LG