Link açıqlığı

İşğal etilgen Qırımnıñ Herson vilâyeti ile sıñırında Rusiye Silâlı quvetleriniñ ücüm taqımı şekillendirildi. Aynı bu yerden olarnıñ qıtaiy Ukrainağa qarşı yapılacaq esas ücümlarından biri beklenile.

Bu aqqında Ukraina halq deputatı Sergey Kunitsın 112 Ukraina telekanalınıñ efirinde ayttı.

«Anda (Herson vilâyeti ile sıñırda – muarrir) Rusiye ordusınıñ 5 biñlik taqımı, Canköy ava limanında 40 arbiy uçaq, 20 ücüm vertolöti, 6 desant gemisi, 52 tank, yüzlernen BTR ve Çonğar ve Or Qapı tarafından bronetransportörlar mevcut. Şimdilik ücüm taqımı şekillendirildi, demek, ne içün, çünki al-azırda Rusiyeniñ böyle vaziyeti bar, ya Ukrainağa Qırımnı keri qaytarmaq, ya da Novaya Kahovkağa qadar Herson vilâyetini zapt etmek», – dep tüşüne o.

Künitsınnıñ aytqanına köre, Qırımda suv yedekleri yalıñız bir buçuq ayğa yetecek, Şimaliy-Qırım kanaldan ise suv bermek imkânı yoq. Yarımdadadaki bütün suv anbarları Dnepr suvına bağlı.

2014 senesi mart 16-da Qırımda ve Aqyar şeerinde yarımada statusı aqqında «referendum» olıp keçti. Onıñ neticesinde Rusiye Qırımnı öz terkibine qabul etti. Ne Ukraina, ne Avropa Birligi, ne Amerika Qoşma Ştatları işbu rey berüvni tanımayıp, Qırım Rusiye tarafından işğal etilgenini bildireler.

XS
SM
MD
LG