Link açıqlığı

GTRK «Krım» yanındaki Rusiye zenaatlar birligi işten boşatılğan qırımtatar hadimlerine qol tutacaq


Müessiseniñ restrukturizatsiyası neticesinde «Krım» Devlet teleradiokompaniyası qırımtatar muarririyetiniñ işten boşatılğan hadimleri mahkemege muracaat etecek olalar. Bunı jurnalistler Arzı Selimova ve Ediyev Mamutova Qırım.Aqiqat saytına bildirdiler.

GTRK «Krım» müessisesinde qırımtatar muarrirleri ve jurnalistleriniñ işten boşatıluvı aqqında haber keçken aftanıñ soñunda peyda oldı. Zarar körgenlerden biri – muarrir Arzı Selimova – bildirdi ki, Zure Pinka, Elmaz Veliyeva, Suriye İbraimova, Ediye Mamutova ve Ayder Yağyayev de işten boşatıldılar. GTRK «Krım» yanındaki Rusiye zenaatlar birliginiñ reberi Olga Minayeva Qırım.Aqiqat saytına bergen malümatqa köre, onıñ haberi bar.

Onıñ qayd etkenine köre, zenaatlar birligi bunıñnen bağlı mahkeme davasını azırlay.

Malüm olğanı kibi, aqımdaki seneniñ mayıs ayında GTRK «Krım» Nazirler şurasınıñ qararınen «Krım» Teleradiokompaniyası» devlet mustaqil müessisesi adını aldı. İyül aynıda müessiseni yoq ettiler, onıñ esasında ise Rusiye qanunlarına köre yañı teşkilât quruldı. Teleradiokompaniyanıñ bütün hadimlerini ya ğayrıdan işke qabul ettiler, ya da işten boşattılar.

XS
SM
MD
LG