Link açıqlığı

İşğal etilgen Qırım ve Aqyarda 2015 senesi baarde Rusiye ordusına ilk çağıruv olacaq.

Bunı Rusiye Silâlı quvetleriniñ Baş ştabınıñ başı muavini, general-leytenant Vasiliy Tonkoşkurov bildirdi.

«Qırım ve Aqyarda ilk sefer 2015 senesi olacaq arbiy hızmet çağıruvına azırlıq kete. 2015 senesi yanvar 1-den Rusiye Federatsiyasınıñ bütün qanunları Qırım ve Aqyar sakinlerine tarqatılacaq. Bu qanunlarğa köre, arbiy hızmetke çağıruv da keçirilecek», – dedi o salı künü, sentâbr 30-da, jurnalistlerge.

Evel bildirilgeni kibi, arbiy komissariat küz çağıruv kampaniya çerçivesinde tahminen biñ insannı işğal etilgen Qırımnıñ Qara deñiz flotunda hızmet etmek içün Rusiye Mudafaa nazirliginiñ Cenübiy arbiy bölügine yollaycaq olalar.

XS
SM
MD
LG