Link açıqlığı

Saatnıñ esas haberi

Lutkovskaya Rusiye ombudsmenini Cemilev oğlunıñ işine kirişmege çağıra


Valeriya Lutkovskaya
Valeriya Lutkovskaya

Ukraina Yuqarı Radasınıñ insan aqları boyunca vekâletli Valeriya Lutkovskaya Rusiye Federatsiyasınıñ insan aqları boyunca Vekâletli Ella Pamfilovağa Hayser Cemilev ve qırımtatar halqı aq-uquqlarınıñ bozulması aqqında açıq muraacaatta bulundı.

Bu aqqında vekâletliniñ matbuat hızmeti bildire.

Sentâbr 28-de şeklengenniñ babası, qırımtatar halqınıñ lideri Mustafa Cemilev onıñ oğlu Hayser Cemilevni Rusiye Federatsiyasınıñ Krasnodar ülkesine alıp ketkenlerini aydınlattı.

Valeriya Lutkovskaya kendi muracaatında qayd ete ki, 2013 senesi mayıs ayında Hayser Cemilevge qarşı Ukraina Cinaiy protsessual kodeksine köre cinaiy taqiqat başlanğan edi, şeklengen ise apste buluna edi. Şunı da qayd etmeli ki, Kiyevniñ Apellâtsion mahkemesi Hayserniñ areketlerini muqaytsızlıqtan öldürüv olaraq tanıp, onı azat etüv aqqında qarar aldı.

Bundan ğayrı, o, Rusiye zenaatdaşınıñ diqqatını insan aqlarını qoruv ve esas serbestlik aqqında Konventsiyanıñ 5,6 ve 8-inci maddeleriniñ talaplarına qarşı, Hayser Cemilev azatlıq aqqlarından, adaletli mahmeke ve şahsiy ve aile ayatınıñ aqlarından marum qalğanına celp etti.

Ukraina Yuqarı Radasınıñ insan aqları boyunca Vekâletli Ella Pamfilovanıñ Hayser Cemilevniñ işine şahsiy ve acele kirişmesini talap etip, bozulğan aqlarını ğayrıdan tiklemege çağıra.

XS
SM
MD
LG