Link açıqlığı

Saatnıñ esas haberi

Ukrain rejissöri Oleg Sentsov yanvarniñ 11-ne qadar SİZOda bulunacaq. Böyle bir qararnı Moskvanıñ Lefortov mahkemesi qabul etti, dep haber ete İnterfaks agentligi mahkeme kâtibi Yuliya Skotnikovanıñ aytqanlarına esaslanıp.

Böylece, Oleg Sentsovnıñ aps müddeti sekiz ayğa arttırıldı.

Malüm olğanı kibi, sentâbr 26-da Moskvanıñ Lefortov mahkemesi Sentsov ve diger Ukraina vatandaşları ile yaqalanğan ve terakt azırlanmasında qabaatlanğan qırımlı Aleksandr Kolçenkonıñ aps müddetini yanvar 16-na qadar arttırdı.

Oleg Sentsov 2014 senesi mayıs 11-de Qırımda Rusiye uquq qoruyıcı organlar tarafından yaqalandı. Onı teraktrlar azırlamasında qabaatlaycaq olalar. Avgust 8-de Moskva mahkemesi Sentsovnı apste tutuv apellâtsiyasını red etti.

Sentsovnıñ bir çoq zenaatdaşı ve uquq qorçalayıcıları onı «siyasiy mahbüs» olaraq tanıp, onı azat etmege rica eteler. Olarnıñ fikirince, qabaatlar uydurılğan, rejissörni ise onıñ noqtaiy-nazarı içün yaqaladılar.

XS
SM
MD
LG